काठमाडौँ।
पछिल्लो समय घरमै रोजमेरी (Rosemary) उमालेर प्रयोग गर्ने अभ्यास बढ्दो छ। भान्सामा स्वादका लागि प्रयोग हुने यो जडीबुटी स्वास्थ्य र मानसिक सन्तुलनसँग पनि जोडिँदै आएको छ।
विशेषज्ञहरूका अनुसार रोजमेरीमा पाइने एन्टिअक्सिडेन्ट, रोसमेरिनिक एसिड र एसेन्सियल तेलहरू उमाल्दा पानीमा मिसिन्छन्। यस पानीलाई कपाल, कुल्ला, हल्का हर्बल चिया वा सुगन्धका लागि प्रयोग गरिन्छ।
उमालेको रोजमेरी पानीले टाउको सफा गर्दा रक्तसञ्चार सुधार, कपाल मजबुत बनाउन सहयोग र छालालाई ताजा महसुस गराउन र पाचन प्रक्रियामा सहायक भूमिका खेल्न सक्ने मान्यता छ। यसको सुगन्धले तनाव घटाउन र ध्यान केन्द्रित गर्न पनि मद्दत पुर्याउन सक्छ।
रोजमेरी उमाल्न ताजा हाँगा वा सुक्खा पातलाई पानीमा १०–१५ मिनेट मध्यम आँचमा उमालेर चिसो बनाएर प्रयोग गरिन्छ। यो पानी फ्रिजमा राखी ३–५ दिनभित्र प्रयोग गर्न उपयुक्त हुन्छ।
यद्यपि, अत्यधिक गाढा प्रयोग हानिकारक हुन सक्छ। छालामा प्रयोग गर्नुअघि सानो भागमा परीक्षण गर्न र गर्भवती महिला वा एलर्जी भएका व्यक्तिले चिकित्सकको सल्लाह लिनु उपयुक्त हुन्छ। रोजमेरी घरेलु सहायक उपाय हो, औषधिको विकल्प भने होइन।त्यसैले यसको प्रयोगमा सावधानी आवश्यक छ।
एजेन्सीहरुको सहयोगमा।
