सेवासञ्चार
काठमाडौं, २० भाद्र
सरकारले बिहीबार दर्ता कायम नभएका फेसबुकलगायतका २६ सामाजिक सञ्जालमा प्रतिबिन्ध लगाएपछि हाम्रो पात्रो र पमेटाकम्पनीले दर्ताका लागि चासो देखाएर नियमानुसार चलाउन तयार देखिएका छन् । फेसबुक, इन्स्टाग्रामलगायतका सामाजिक सञ्जाल सञ्चालन गर्ने कम्पनी मेटाले नेपाल सरकारसँग दर्ताका लागि आवश्यक कागजातको विवरण मागेको छ भने हाम्रो पात्रोले सूचीकरणका लागि आवेदन दिइसकेको छ ।
सञ्चार तथा सूचना प्रविधि मन्त्रालयका अनुसार मेटाका प्रतिनिधिले मन्त्रीका विज्ञ सल्लाहकारलाई इमेल गरेर जानकारी मागेका थिए । मन्त्रालयले केही मिनेटमै आवश्यक कागजात विवरणसहित जवाफ पठाएको जनाएको छ ।
यसअघि सरकारले सूचीकरण नभएका सामाजिक सञ्जालहरू क्रमशः बन्द गर्ने निर्णय गरिसकेको छ । नेपाल दूरसञ्चार प्राधिकरणले २६ वटा सामाजिक सञ्जाल निष्क्रिय गर्न इन्टरनेट सेवा प्रदायकहरूलाई पत्राचार गरिसकेको छ ।
