– चाँदी पनि महँगियो
सेवासञ्चार
काठमाडौं, १२ भाद्र
स्थानीय बजारमा सुनको मूल्य थप बढेको छ । अघिल्लो दिनको तुलनामा आज बिहीबार सुन प्रतितोला चार सय रुपैयाँले वृद्धि भएको नेपाल सुनचाँदी व्यवसायी महासंघले जनाएको छ ।
महासंघका अनुसार बिहीबार सुन प्रतितोला एक लाख ९९ हजार चार सय रुपैयाँमा कारोबार भइरहेको छ । बुधबार सुन प्रतितोला एक लाख ९९ हजार रूपैयाँमा कारोबार भएको थियो ।
सुनको मूल्य ऐतिहासिक उच्चस्तर नजिक पुगेको हो । यसअघि साउन २३ गते पनि प्रतितोला एक लाख ९९ हजार चार सय रुपैयाँमै कारोबार भएको थियो ।
त्यस्तै, बिहीबार चाँदीको मूल्य पनि प्रतितोला १० रुपैयाँले बढेको छ । महासंघका अनुसार बुधबार प्रतितोला २ हजार ३४५ रुपैयाँमा कारोबार भएको चाँदी बिहीबार २ हजार ३५५ रुपैयाँमा कारोबार भइरहेको छ ।
